HUBEI, CHINA – Ginkumpirma sang Chinese health authorities nga wala na sang panibag-o nga kaso sang coronavirus disease sa Hubei Province sa diin nagsugod ang krisis sa naglab-ot na sa nagkalain-lain nga bahin sang pungsod.
Nahibaluan nga ini ang ika-labing una nga bes nga wala sang narecord nga panibag-o nga kaso sang virus sa nasambit nga probinsya humalin sang Enero.
Sa pihak sini, may yara naman sang 34 ka panibag-o nga kaso sang COVID-19 sa nagkalain-lain nga bahin sang China gani nagsaka na sa 80,928 ang kabilugan nga kaso sang nasambit nga balatian.
Dugang pa sang mga otoridad, kalabanan sa mga bag-o nga kaso ang nagikan sa mga tawo nga nagasulod sa China.
Samtang nagdangat naman sa 3,245 ang numero sang mga napatay sa Huebi bangud sa COVID-19.
