Gin-hostage sang duwa ka oras sang isa ka hubog nga anak ang iya kaugalingon nga iloy sa ila balay sa Barangay Highway Hills, Mandaluyong City.
Ang biktima nagaedad sang 80-anyos samtang ang suspek ang nagaedad sang 53-anyos.
Nakapangayo sang bulig ang tigulang matapos nakatamwa ini sa bintana.
Didto na kag nakaresponde ang Special Weapons and Actions Team (SWAT) sang Mandaluyong City Police kun sa diin halos isa ka oras ang negosasyon antes nasulod sang operatiba ang balay.
Natigayon naman nga maaresto ang suspek kun sa diin narekober man ang isa ka pusil.
Ginpaidalom naman sa medical examination ang iloy.
Sampaw-sampaw nga kaso ang posible atubangon sang suspek.
