Posible na nga ipagwa ang isa sa 70 ka potential vaccine nga gina develop sa bilog nga kalibutan nga mangin bulong sa Coronavirus Disease 2019.
Ini matapos nga nangin madinalag-on ang experimental coronavirus vaccine nga ginpatigayon sang mga researchers gikan sa Oxford University nga una nga gin gamit sa anom ka rhesus macaques nga isa ka sahi sang amo.
Ang nasambit nga sahi sang amo ang ginapahayag na expose sa COVID-19 rason kun ngaa natapikan man ang iban pa nga mga sapat apang pagkatapos sang 28 ka adlaw nag ayo ang mga ini.
Ang nasambit nga vaccine ang gin produce sang Jenner Institute sa Oxfor Vaccine Group nga kabahin sang ila ekspiremento nga ginpatigayon sang Marso sa National Institutes of Health’s Rocky Mountain Laboratory sa Hamilton, Montana.
Suno kay Vincent Munster, pinuno sang Virus Ecology Unit sang nasambit nga laboratoryo, ang rhesus macaques ang isa ka sahi sang amo nga malapit sa tawo.
Nahibaluan nga ginalauman nga sugudan na subong nga adlaw ang human trial sang vaccine ukon hAdOx1 nCov-19 sa halos 6,000 nga tawo nga posible magdugay tubtob sa masunod nga bulan.
Sa tion nga mangin epektibo kag makakuha sang approval gikan sa mga regulators ang mga researchers, ipaggwa na nila sa Setyembre ang nasambit nga bulong.
