ILOILO CITY – Wala sang organisado nga grupo sa syudad sang Iloilo si Edmond Dela Torre, ang suspek nga nagdala sang ginapahayag P100k nga balor sang peke nga kwarta sa syudad.
Sa interview sang Bombo Radyo kay Iloilo City Police Office Director PCol. Martin Defensor, Jr., iya ginpahayag nga nagaisahanon pa lang si Dela Torre sa iya modus.
Sa masami, suno kay Defensor, ginabakal niya sa mga tiangge ang amo nga peke nga kwarta kag ang maganar niya amo ang ginahatag sa iya nga sensilyo.
Duha ka ka tiangge ang yara sa record sang Iloilo City Police Office ang nabiktima ni Dela Torre.
Mahimo suno kay Defensor nga gamay pa lang nga mga establishemento ang gina-atake ni Dela Torre bangud ba-o pa lamang ini makaumpisa sa amo nga modus, apang posible man nga nangin big-time ini kon wala gilayon nga nadakpan.
Ginpanawagan man ni Defensor sa publiko nnga magdoble halong kag indi magdali sa pagbaton sang kwarta, ilabi na subong nga holiday season kon san- madata ang pagpanunto sang counterfeit money.
