ILOILO – Nagapangita sang 15 ka mga doktor ang Iloilo City Government nga igadistribute sa mga health center sa palibot sang syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga ini ang inisyatibo sang City government agud indi na mabudlayan pa ang mga pumuluyo kag indi niya gusto nga wala sang doktor nga naga atender sa mga pasyente nga ginadala sa mga health centers.
Suno sa alkalde, maluwas sa mga doktor nga ginapangita magapabilin man ang siyam nga ginhire sang nangin madata ang kaso sang Dengue agud mas bastante ang mga doktor sa syudad.
Dugang sang natungdan, may nakatalana na nga pondo para sa dugang nga mga doktor nga igahire sang syudad.
