ILOILO CITY- Nagalaum ang Iloilo City Health Office nga indi pagkulangon ang gintanyag nga budget sang syudad agud tutokan ang localized outbreak sang pertussis sa Iloilo City.
Sa interview sang Bombo Radyo kay Dr. Roland Jay Fortuna, Asst. Department Head sang City Health Office, iya ginpahayag nga nagtanyag ang Iloilo City government sang ₱16,908,000 nga budget agud gamiton sa pagtapna sang nagasaka nga kaso sang pertussis.
Suno kay Fortuna, ginalantaw pa sang ahensya ang numero sang mga naapektohan sang balatian bangud sa kapin 26,000 nga populasyon, ang iban diri ang nakakompleto na sang bakuna.
Ginaplano naman sang ahensya nga magpatuman sang vaccination sa mga nagakinahanglan ilabi na sa kabataan agud nga mahagan-hagan ang numero sang mga nagasuprer sang pertussis.
Hatagan naman sang City Health Office sang antibiotics ang mga na-close contact sang pasyente nga nagpositibo sa pertussis.
Santo sa data sang ahensya, may yara na sang 15 ka mga kaso sang pertussis sa Iloilo City sa diin pito diri ang confirmed cases kag walo ang suspected cases.
Sa pinakauli nga report sang data, duha sa walo ka mga suspected cases sang pertussis sa syudad ang nag-negatibo.
