ILOILO – Natak-an na si Iloilo City Mayor Jerry Treñas sa pagpabuyan-buyan kag madugay nga pagbayad sang Panay Electric Company sang ila nga real property tax.
Nahibaluan nga naglab-ot sa 98 million ang real property tax sang PECO nga wala sa gihapon nabaydan sa sulod sang masobra sa duha ka tuig.
Sa interview sang Bombo Radyo kay Mayor Jerry Treñas, iya ginpahayag nga ang ginhulat nga bayad sang PECO ang italana kun tani sa iban pa nga kinahanglanon sang city government kaangay nalang sang pondo para sa Salary Standardization Law Level 5.
Suno kay Treñas, nakapoy naman siya sa makapila na nga bes nga pag ilis sang PECO sang offer nga ila ginahatag.
Dugang sang natungdan, kinahanglan na nga mga desisyon sang PECO kun ano ang ila nga plano bangud nagahilapit na man ang Auction sang ila nga mga propidad sa Desyembre 12 sini nga tuig.
Santo sa pahayag sang alkalde, pinal naman ang iya nga desisyon nga padayunon ang auction sa mga propidad sang PECO kun indi pa gid ini makabayad sa ginhatag nga plaso.
