Nagapati ang Department of Justice (DOJ) nga indi na kinahanglan nga magtukod sang independent body nga maga-imbestigar sa Duterte drug war bangud masarangan man ini sang lokal nga otoridad.
Suno kay Justice Secretary Boying Remulla, competent, capable, kag naga-trabaho ang sistema sa Pilipinas gani wala niya nauyunan ang ideya nga kinahanglan pa ang bag-o nga independent commission para sa imbestigasyon.
“That was mentioned to me but I don’t like that idea. We are here, we are competent, we are capable, we are working, the system is running. What will the commission do? There’s no value,” suno kay Remulla.
Ginpahayag man sang tiglikom nga may yara man anay sang nagliligad nga mga komisyon apang wala man nangin epektibo.
Matandaan nga naghingyo ang Pilipinas sa International Criminal Court nga baliskadon ang desisyon sini nga pag-authorize sang resumption sang imbestigasyon sa kontrobersyal nga drug war ni former President Rodrigo Duterte.
Gina-insister sang Pilipinas nga nagapadayon naman ang imbestigasyon sa lebel pa lang sang pungsod gani nga indi na kinahanglan ang international court. ##
