ILOILO – Ginpanginwala sang Intellegence branch sang Iloilo Police Provincial Office nga may yara sang natabo nga abduction sa mag iloy nga sanday Jennifer Nosotros, 42, kag John Rey Nosotros, 20, sang Brgy. Buntatala, Jaro, Iloilo City kun sa diin nakuha ang P6.3 Million nga balor sang illegal drugs.
Magluwas sa mag iloy nadakpan man ang downline sang mag iloy nga si Lalaine Ereño 56 sa buy bust operation sa Zone 5, Brgy. Calaparan, Arevalo, Iloilo City, sa diin nakuha sa iya ang P1.1milyon nga balor sang ilegal nga drugs.
Sa interview sang Bombo Radyo kay Pol Maj Jonathan Pinuela, pinuno sang Intellegence Branch iya ginpahayag nga wala sang kamatuoran nga may yara sang natabo nga abduction sa mag iloy nga Nosotros.
Suno kay Pinuela, lehetimo ang ginpatigayon nila nga operasyon sa mag iloy kag kun may yara man sang reklamo ang mga arestado natuhoy sa operasyon mahimo nga makapasa sila sang complaint batok sa otoridad.
Kasunod sini, napasaka naman ang kaso batok sa nga nasambit nga durugista sa diin magapangtubang sila sang kaso nga paglapas sang Section 5 sang Republic Act No. 9165 ukon ang Comprehensive Dangerous Drugs Act, Conspiracy kag Illegal Posession of Ilegal Drugs nga isa ka non bailable offense
Dugang sang natungdan, indi lang sila ang posible nga naga transact sa New Bilibid Prison gani nakig angot na ang Iloilo Police Provincial Office sa New Bilibid Prison sa dugang pa nga mga impormasyon.
