ILOILO – Pormal na nga nagpungko bilang Officer In Charge sang Iloilo Police Provincial Office nga si Pol Col Paul Kenneth Lucas.
Su Lucas ang nagikan sa Baguio City nag naggraduate sa Philippine National Police Academy sang 1995, nadesignar man sa Police Regional Office 6 sang 2017 kag pinuno sang Regional Comptrollership Division.
Sa interview sang Bombo Radyo kay Lucas, ginatun-an pa niya ang sitwasyon sa probinsya sang Iloilo ilabi na ang may kaangtanan sa ilegal nga droga kag ilegal gambling.
Suno kay Lucas, sa iya nga pagpungko bilang Officer In Charge sang Iloilo Police Provincial Office sa sulod sang tatlo ka bulan pagasundon niya ang direktiba sang National Headquarters sa diin nakasentro ini sa hugot nga pagbantay sa ilegal nga droga kag pasugal sa probinsya.
Sa subong, gina assess pa niya ang sitwasyon sa probinsya agud mahatagan niya sang mas epektibo nga solusyon.
