ILOILO CITY- Nagapadayon sa gihapon ang evaluation sang Philippine National Police sa mga lugar sa Iloilo nga may posibilidad nga mangin mainit ang sitwasyon sang pulitika sa nagahilapit nga Barangay kag Sangguniang Kabataan Elections.
Sa interview sang Bombo Radyo kay PCol Ronaldo Palomo,director sang Iloilo Police Provincial Office, iya ginpahayag nga mangin ang Commission on Elections ang wala pa man sang napagwa nga election areas of concern.
Suno kay Palomo,sa pihak sini,nakaplastar naman ang ila security plan.
Gin-ako man sini nga may iban nga police stations nga kulang ang numero sang personnel apang may iban nga law enforcement agencies kaangay sang Philippine Army kag Philippine Coast Guard nga handa man nga mag-augment agud magpaluntad sang kalinong sa tion sang eleksyon.
