ILOILO CITY- Ginalantaw sang Iloilo Police Provincial Office ang kakulangan sa istrikto nga surveillance sa mga pantalan bilang rason sang madata nga pagsulod sang druga sa probinsya.
Sa interview sang Bombo Radyo kay PCol Ronaldo Palomo,director sang Iloilo Police Provincial Office, iya ginpahayag nga kalabanan nga supply sang druga ang nagahalin sa Manila kag Bacolod City paagi sa mga sea vessels nga nagadungka sa mga pantalan sa Iloilo.
Suno kay Palomo, nagapangabay ini sa mga katapo sang Philippine Ports Authority nga magpatuman man sang istrikto nga security measures kag indi lang pag-isalig sa mga katapo sang Philippine Coast Guard.
Dugang niya, mas maayo man nga naga- function gid ang mga x-ray machines kag may yara sang K-9 dogs agud mahapos nga ma-detect ang mga kontrabando.
