Napabilin sang Typhoon Goring ang kabaskugon sini samtang nagahulag palapit sa Luzon Strait.
Ulihi nga nasiplatan ang sentro sini sa kalayuon nga 220 km Nasidlangan sang Aparri, Cagayan. Dala sini ang kabaskugon sang hangin nga 155 km/h malapit sa sentro kag pagmadlos nga tubtub sa 190 km/h.
Nagahulag ini pa-naaminhan naaminhan-nakatundan sa kadasigon nga 10 km/h.
Napaidalom ang northeastern portion sang Babuyan Islands sa Wind Signal Number 3 kun sa diin may moderate tubtub significant nga pamahog sa kabuhi kag propiedad.
Ang Batanes, nabilin nga bahin sang Babuyan Islands, kag ang extreme northeastern portion sang mainland Cagayan ang yara naman sa Signal Number 2 kun sa diin may yara sang minor to moderate nga pamahog sa kabuhi kag propiedad.
Yara naman sa Signal Number 1 ang northern kag eastern portions sang mainland Cagayan, ang eastern portion sang Isabela, ang northern portion sang Apayao, kag ang northern portion sang Ilocos Norte.
Ang bagyo ang magapabaskog pa sang Habagat sa western portions sang Central Luzon, Southern Luzon, kag Visayas sa masunod nga tatlo ka adlaw.
Posible ini nga maguwa sa Philippine Area of Responsibility (PAR) buwas sa gab-i ukon sa Huwebes sang aga.
Posible man nga mag-landfall ini anay sa Batanes sa buwas sang aga ukon sa hapon. Sa amo nga period, ginalantaw nga magbaskog liwat ini nga bagyo kag magalapit sa kusog sang super typhoon samtang nagapalapit sa Batanes.
Sa pihak nga bahin, nagbaskog pa ang Tropical Storm Haiku nga yara sa guwa sang PAR kag nagahulag palapit sa nakatundan sang Pilipinas.
Ini nga tropical storm ang gina-forecast nga magahulag pa nakatundan naaminhan nakatundan sang Philippine Sea tubtub sa Byernes kag posible magsulod sa PAR sa buwas sang hapon ukon sa gab-i.
Kun magsulod na sa Pilipinas, pagatawgon ini nga Bagyo Hanna. #
