ILOILO CITY – Nag-file sang motion for reconsideration sa Muntinlupa RTC Branch 256 ang kampo ni former senator Leila de Lima matapos nga ginbasura sang korte ang iya bail petition sang Hunyo 7.
Sa 22 ka pahina nga motion, ginpahayag sang kampo sang anay senador nga nagkomiter sang “grave” apang “reversible errors” ang korte sa paggamit sang probable cause bilang standard nga pamatuod sa pagbasura sang pyansa, sa baylo nga paggamit sang proof of evidence nga mabaskog ang “guilt”.
Ginpahayag man sa amo nga motion nga ang korte ang nagsala sa pahayag nga si De Lima ang may kaangtanan sa paggamit sang inmates sa New Bilibid Prison kag sang “Oplan Galugad” sa illegal drug trade sa presuhan.
Makita man sa motion nga ang korte ang nagkomiter sang jurisdictional errors nga katumbas sang grave abuse of discretion sa mandu sini kag sa indi paghatag sang pyansa sa humanitarian grounds.
Nagalaum ang kampo ni De Lima nga i-reconsider sang korte ang desisyon kag i-grant ang motion for bail.
