ILOILO CITY- Nagpaathag ang Department of Social Welfare and Development Region 6 may kaangtanan sa temporaryo nga pag-hold sang cash grants sa 87,728 ka panimalay nga benepisyaryo sang Pantawid Pamilyang Pilipino Program.
Sa announcment sang ahensya, indi paghatagan sang cash grants ini nga mga benepisyaro nga para sa bulan sang Hunyo tubtob Hulyo ukon Period 3 tubtob nga matapos ang ongoing nga validation sang mga non-poor households base sa resulta sang Listahanan 3.
Sa interview sang Bombo Radyo kay Belen Gebusion, chief sang Pantawid Pamilyang Pilipino Program sa Western Visayas, iya ginpahayag nga ang paghold sang cash grants ang wala nagakahulugan nga automatic nga makakas sila sa programa.
Suno kay Gebusion, sa 87,728 ka benepisyaryo, naglab-ot tanan sa 16,562 ang gin-rekomendar nga non-poor ukon kakason sa listahan apang hulaton pa ang desisyon sang central office angot diri.
Dugang pa sang natungdan, katuyuan sini nga lihok amo nga mapasiguro nga mapadayon gihapon ang nagakaangay nga serbisyo kag suporta sa mga kwalipikado nga benepisyaryo sang programa.
