Nagdepensa si Punong Barangay Antonio Sarroza sang Brgy. Sulangan, Dumangas, Iloilo nga ginaapinan nila ang tanod nga si alyas “Bembem” nga ginatudlo sa pagtiro kay Samuel Adelantar.
Sa interview sang Bombo Radyo kay Sarroza, ginpahayag niya nga ginapanugyanan niya gid nga ang mga tanod dapat nga mag-duty kag mag-ubra sang ila responsibilidad para sa kahilwayan kag katawhay sang barangay.
Ginpahayag pa niya nga ginmanduan niya mismo si Alyas “Bembem” nga magsurender bangud personal ina nga sala nga dapat niya atubangon.
Gindugang niya nga ginahingyo lang nila nga indi sila pagsulsulan bangud ginapaninguhaan man nila nga magpabilin ang kalinong sa barangay.
