Gin-suspend ni Iloilo City Mayor Jerry Treñas ang klase sa tanan nga level sang public kag private schools sa siyudad sang Iloilo sa Enero 26, 27 kag 29.
Sa Executive Order 009 nga ginpagwa sang alkalde subong nga adlaw, nasaad nga ang katuyuan sang suspension sang klase amo nga indi mabudlayan ang mga estudyante sa pagpadulong sa mga eskwelahan bangud sa ginapatuman nga road closure.
Magluwas diri, katuyuan man sang Executive Order nga makapahuway ang mga estudyante nga nagaintra sa nagkalain-lain nga tribu sa Dinagyang Festival.
