ILOILO CITY- Ginpalawig pa tubtob subong nga adlaw ang suspension sang klase sa tanan nga lebel sa Iloilo City may kaangtanan sa tuman kainit nga tiyempo.
Sa Executive Order 47-C nga gin- isyu ni Mayor Jerry Treñas, nasaad nga yara naman sa discretion sang school heads ukon administrators sang mga private schools kag Higher Education Institutions, ang pagkansela sang klase.
Apang, nagakadapat nga ang ila classrooms ang may yara sang airconditioning units kag makaakomodar sang mga estudyante bisan tuman ka init sang panahon.
Nahibaluan nga ini na ang ikaapat nga adlaw nga suspendido ang face to face classes sa syudad.
