Gintugutan sang kongreso si Presidente Rodrigo Duterte nga i-realign ang halos P275 bilyon nga nagikan sa national budget nga pagagamiton sa pagpatigayon sang mga tikang sang gobyerno sa krisis sa Coronavirus Disease 2019.
Suno kay Albay Rep. Joey Salceda, ginabanta sa P144 bilyon ang kantidad nga natalana para sa 17% nga Pilipino nga magabaton sang P8,000 nga financial assistance kada pamilya.
Dugang sang natungdan, indi sakop sang nasambit nga financial assistance ang mga may trabaho nga indi apektado sang ginpatuman nga enhanced community quarantine.
Nahibaluan nga nakatalana nga magpatigayon sang special session ang Kongreso subong nga adlaw agud ipasar ang hagna nga magatugot kay Presidente Duterte nga i-realign ang nasambit nga pondo.
