ILOILO CITY – Ginduso ni Negros Oriental Representative Arnolfo Teves Jr. sa Marcos administration nga mag-allocate sang P1 billion nga budget para sa farm-to-market roads sa tagsa ka agricultural district sa paglaum nga mapanubu-an ang presyo sang food production kag makabulig sa mga mangunguma.
Suno kay Teves, nagapati siya nga masarangan ini sang gobyerno bangud sa tagsa ka tuig, ang appropriation ang nagadangat sa P200 billion.
Dugang pa niya, may yara sang ginabanta 300 ka mga kongresista kag sa iya pagtan-aw, may yara sang 150 ka mga agricultural districts.
Ang wala nagamit nga budget ang ipahimo sang dalan agud nga mas madamo sang mabuligan ilabi na ang mga mangunguma kag ang mga kunsumidor bangud nga manubo ang production cost kag manubo ang presyo sa merkado.
Suno pa kay Teves, ang mga common land areas ang dapat nga i-convert sa upland rice areas agud nga magtaas ang production.
Ini agud nga may yara sang rice sufficiency kag maganubo sa P20 per kilo ang presyo sang bugas.
