ILOILO CITY- Ginsaysay sang isa ka pumuluyo sa Brgy. San Nicolas, La Paz, Iloilo City kun paano niya gintuyo nga luwason ang call center agent nga isa sa duha ka mga napatay sa sunog.
Sa interview sang Bombo Radyo kay Third Ladublan, iya ginpahayag nga sang nakit-an niya ang biktima nga si Lyn Rose Sobretodo, 26,residente sang banwa sang Pototan, nahambalan pa niya ang biktima kun ano ang himuon.
Suno kay Ladublan, madasig lang ang natabo bangud sang nagsinggit ang babaye, nadula ini gilayon kag wala na niya makita pa ini sa ikatatlo nga panalgan sang boarding house kun sa diin nahamtang ang iya kwarto.
Pahayag niya, sirado man ang fire exit gani wala na sang mapalagyuhan ang babaye tubtob nga nalipong na lang ini kag ginlamon sang kalayo.
