Ginhatagan sang disente nga lubong ang baby boy nga nakit-an nga ginhal-id sa idalom sang mga pamalay sa Zone 2A sa Nabitasan, Lapaz, Iloilo City.
Ang lapsag ang ginabanta nagaedad walo tubtob siyam ka bulan.
Sa interview sang Bombo Radyo kay Punong Barangay Barbie Arroza, iya ginpahayag nga gina-check na subong ang pre-natal records sa ila nga barangay agud makit-an ang posible naangot sa bata nga lalaki.
Posible suno sa natungdan nga hungod nga ginhaboy ang bata, ukon nahulugan ang iloy.
Wala man nalumos ang bata suno kay Arroza bangud wala man nagahabok ang tiyan sini.
Ginapahayag indi maglapaw sa anum ka oras ang kadugayon sang pagtinir sang bata sa idalom sang mga pamalay antes ini nasapwan.
Nagapangabay man ang punong barangay sa iloy nga magdangop na sa ila nga barangay agud nga mahatagan man sang nagakaigu nga medical attention.
