ILOILO CITY- Nagaisahanon ang banwa sang Banate nga wala sang accomplishment sa dog vaccination sang tuig 2021 sa Iloilo.
Sa interview sang Bombo Radyo kay Dr. Darel Tabuada,head sang Provincial Veterinary Office, iya ginpahayag nga wala pa sang paathag ang Local Government Unit sang Banate tuhoy diri.
Apang suno kay Tabuada, posible nga wala sang vaccinators ang banwa gani wala ini nakapangbakuna sa mga ido.
Samtang, nanguna naman sa may pinakadamo nga nabakunahan nga ido amo ang Oton nga may 10,742, ginasundan sang Cabatuan nga may 10,460 kag barotac Viejo nga may 10,118.
Nahibaluan nga P4 million ang ginpain para sa procurement sang bakuna sa mga ido sang 2021 kag 100,000 doses ang ginhatag kada banwa.
Sa pangkabilugan sang 2021, yara sa 49.36% ang vaccine coverage nga may katumbas nga 137,843 ka mga ido.
Mas mataas ini sang masobra 100,000 sa 30,000 nga vaccine coverage sang 2020.
