ILOILO CITY – Pagabaydan sang Local Government Unit ang P6,000 nga ayuda gikan sa Department of Social Welfare and Development nga nahatag sa mga pumuluyo nga indi kwalipikado sa nasambit nga ayuda.
Sa interview sang Bombo Radyo kay Director Maria Evelyn Macapobre, Regional Director sang Department of Social Welfare and Development 6 iya ginpahayag nga importante nga sa first wave palang sang pagpanagtag sang Social Amelioration Fund natumod na kun sin-o ang mga kwalipikado nga magbaton sang nasambit nga ayuda.
Suno kay Macapobre, base sa pagsulundan sang Department of Social Welfare and Development sa tion nga mabaton na nila ang liquidation gikan sa Local Government Unit matapos nga mapanagtag ang ayuda, may yara lang sang 15 ka adlaw ang DSWD agud nga ivalidate ang listahan.
Sa tion nga matukiban nga indi kwalipikado ang yara sa listahan, gilayon nila ini nga pa imbestigaran kag ipabalik ang ayuda nga ila nabaton.
Dugang sang natungdan, wala sang matabo nga second wave sang pagpanagtag sa tion nga indi matapos sang mga Local Government Unit ang liquidation sang listahan.
