ILOILO CITY – Ginkumpirma ni Punong Barangay Ramon Amoroso sang Q. Abeto, Mandurriao, Iloilo City nga nagtambong pa sa birthday party ang isa ka Locally Stranded Individual nga nagpauli sa ila lugar kag ulihi na lang nakumpirma nga nagpositibo sa COVID-19.
Sa interview sang Bombo Radyo kay Amoroso, iya ginpahayag nga santo sa iya nabaton nga impormasyon, sang Hunyo 18 lang nagpauli sa ila lugar ang nasambit nga pasyente.
Suno kay Amoroso, nagpadulong sa Metro Manila ang nasambit nga pasyente agud mag-apply sa trabaho apang naabutan sang lockdown.
Ginpahayag ni Amoroso nga bangud sa kalangkag nga makapauli, mahimo nga nalimtan sang nasambit nga pasyente nga tapuson anay ang 14-day mandatory quarantine antes magpanglugayawan.
