Wala na sang kabuhi sang nasapwan ang 75-anyos nga lola sa ila nga balay sa Brgy. Coronon, Sta. Cruz, Davao del Sur matapos nga ginpatay ini sang magapahilot kuntani sa iya pasado alas-11:30 sang gab-i, Abril 3.
Suno sa imbestigasyon sang Sta. Cruz Municipal Police Station, ginkilala ang biktima kay Lola Tina, samtang ang suspek naman amo si ”Alyas Atan” nga residente man sang nasambit nga lugar.
Base sa pahayag sang apo sang biktima, nag-abot ang suspek nga hubog kag nagpangabay ini nga magpahilot.
Naglakat ang apo sang makadali agud may baklon, apang sang nagbalik na ini, nasapwan na lang sini nga wala na sang kabuhi kag nagapaligo na lang sang kaugalingon sini nga dugo bangud sa pagpangbuno.
Nakatakas naman ang suspek kag sa karon padayon pa nga ginpangita sang mga kapulisan.
