ILOILO CITY – Ginkumpirma sang isa ka anay chairman sang Unification Church nga ang founder sini ang may yara sang malapit nga relasyon sa lolo kag lola ni anay Prime Minister Shinzo Abe matapos ang kontrobersiya nga ginpangatubang sang simbahan kasunod sang pagpatay kay Abe.
Ginapahayag nga ang rason sang suspek amo ang problema nga natuga sang simbahan sa ila pamilya kag ginapatihan nga ang lolo ni Abe amo ang nag-imbitar sang simbahan nga magpadulong sa Japan nagikan sa South Korea.
Suno kay Kwak Chung Hwan, kilala niya si Sun Myung Moon nga presidente sang simbahan kag malapit man ini sa lolo ni Abe nga amo si former Japanese Prime Minister Nobusuke Kishi kag mangin ang amay ni Abe nga si former Japanese Foreign Minister Shintaro Abe.
Suno kay Kwak, ang mga political leaders sang Japan sang 1960s tubtob 1970s ang nagakabalaka sang left-leaning movements sang pungsod.
Sa amo nga tion, gin-release ni Moon ang iya anti-communism theory nga nag-impress sa Japanese political leaders.
Ang mga donasyon nagikan sa Japan ang nagbulig kay Moon sa iya mga aktibidad sa bilog nga kalibutan.
Ginpakamalaot man ni Kwak ang bag-o nga liderato sang simbahan.
Ang simbahan ang gintukod ni Moon sa South Korea sang 1954 kag kilala sa group weddings kag may controversial nga reputasyon sa Japan bangud sa claim sini nga may yara ini sang 600,000 followers.
