Ginatun-an pa sang gobyerno ang long-term nga pagsaka sang sweldo para sa mga manunudlo.
Suno kay Vice President kag concurrent Education Secretary Sara Duterte, sang nagpungko sila ni President Ferdinand Marcos, Jr. sa posisyon sang 2022, gilayon nga nagmandu ang presidente nga tun-an ang amo nga proposal indi lamang sa tuigan nga saka sa sweldo kundi ang long-term outlook kun paano ang saka sa sweldo sang teaching kag non-teaching personnel sang DepEd.
Wala gin-athag sang bise-presidente kun san-o matapos ang amo nga pagtuon, apang suno sa iya, ginapaanggid ang inflation sa economic indicators kag forecast sang economic indicators sa masunod nga mga tinuig.
Ginpaathag man sini nga ang salary increases sa teachers ang napaidalom na sa Salary Standardization Law nga naga-mandate sang four rounds sang yearly salary increases halin sang 2016.
