ILOILO – Nagpa-Bombo ang pila ka embalsamador bangud tuman ka hinay ang pagpagwa sang swab test result nga nagaapekto sa ila operasyon sa punerarya.
Sa interview sang Bombo Radyo kay Maribelle Serate, isa ka licensed embalmer sa banwa sang Cabatuan, iya ginpahayag nga bangud madugay magwa ang resulta sang RT-PCR test, nagakadugayan man ang bangkay antes matandog sa punerarya.
Masami suno sa natungdan nga naga-deform na ang lawas sang patay kag mabudlay na embalsamaron.
Doble ang huol sa bahin sang embalmer suno sa natungdan bangud samtang nagadugay, nagabaho man ang bangkay.
Nagalaum si Serate nga ma-address sang Department of Health (DOH) ini nga concern sang ila nga sektor.
