Dakop ang mag-live in partner sa Barangay Poblacion Centro, Calinog, Iloilo bangud sa ginapahayag pagbaligya sang iligal nga droga.
Ang arestado amo sanday Liza Charmaine Mendoza kag Angelo Roy Morales.
Sa interview sang Bombo Radyo kay Police Major Dadje Delima, hepe sang Calinog Municipal Police Station, iya ginapahayag nga nakuha sa possession sang duha ang ginabanta 30 gramos sang suspected shabu kag may market value nga P204,000.
Suno kay Delima, sandig sa panaysayon sang nadakpan, sa Metro Manila pa ginkuha ang drug items apang ginapahayag isa ka former police officer ang nagasuplay sini sa ila diri sa Iloilo.
Ginapahayag nga tatlo ka beses na nga naghatag sang suplay ang amo nga former police personnel.
Wala ginhingadlan ang anay pulis apang ginapahayag nga assigned ini anay sa probinsya sang Iloilo.
Ang buy-bust operation ang ginpatigayon sang Calinog Municipal Police Station kag sang Philippine Drug Enforcement Agency (PDEA) Region VI.
