ILOILO CITY- Arestado sa ginpatigayon nga drug buy bust operation ang maglive- in partner sa Muelle Loney St., Iloilo City Proper.
Ang mga nadakpan amo sanday Alyas Tisoy sang General Hughes, City Proper kag alyas Jacky sang Concepcion, City Proper.
Sa interview sang Bombo Radyo kay Police Captain Glen Soliman, Officer In Charge sang Regional Police Drug Enforcement Unit- 6, iya ginpahayag nga duha ka bulan nila nga gin-monitor ang hulag sang duha antes ginpatigayon ang operasyon.
Nakuha sa duha ang 23 ka sachets sang suspected shabu nga kag nagabalor sang P2 million ang kabug-usan nga na-recover nga illegal drugs.
Suno kay Soliman, napreso na sadto ang duha bangud man sa illegal drugs apang nahilway bangud sa plea bargaining agreement.
