Ginsaway sang Malacañang ang mga sentimento nga nagakumparar kay president Rodrigo Duterte kay anay senador Benigno “Ninoy” Aquino Jr.
Suno kay Communications Undersecretary Claire Castro, wala sang basehan para sa ginapahayag nga pamahog sa kabuhi ni Duterte.
Kasunod ini sang ginpahayag nga ginhambalan ni Vice President Sara Duterte ang iya amay nga posible ini nga mangin si Ninoy nga gin-assassinate sa iya pagbalik sa Manila matapos ini gin-exile.
Si former president Duterte ang yara sa kustodiya sang International Criminal Court (ICC) sa The Hague sa The Netherlands.
Ginpahayag ni Castro nga wala ini sang kamatuoran kag natingala ini kun sa diin naghalin ang ginaalegar nga threat kay Duterte.
Suno kay Castro, indi dapat pagkumparar si former president Duterte kay late senator Aquino bangud wala gid sila sang pagkapareho ilabi na sa isyu nga naangot sa ila.
Pahayag ni Castro, si Ninoy Aquino ang wala sang ano man nga record sang mass murder ukon crimes against humanity.
Dugang niya, si Duterte ang nagkumparar sa iya kaugalingon sa late dictator nga si Adolf Hitler bangud sa pagmasaker sa minilyon nga mga Jews.
