Magabyahe si President Ferdinand Marcos Jr. padulong sa Saudi Arabia sa Oktubre agud magtambong sa ASEAN-Gulf Cooperation Council summit.
Suno kay Department of Foreign Affairs (DFA) Undersecretary Antonio Morales, ang pagbisita ni Marcos ang ginalantaw nga magapabakod pa sang relasyon sang duha ka pungsod.
Wala pa sang dugang nga detalye sa amo nga byahe.
Ang katapusan nga foreign trip sang presidente amo ang pagpadulong niya sa Singapore kadungan sang iya kaadlawan sang Septyembre 13 agud nga magtambong sa Asian Conference.
Sang amo nga tion, present man si Marcos sa Formula One Singapore Grand Prix 2023 kasunod sang imbitasyon ni Singaporean Prime Minister Lee Hsien Loong. #
