Nagmandu si President Ferdinand Marcos Jr. sa Philippine Army nga pabaskugon pa ang engagements sa local stakeholders kag sa counterparts sa luwas sang pungsod.
Sa iya speech kadungan sang installation kay Lt. Gen. Roy Galido bilang bag-o nga pinuno sang Army, nagmandu man ini nga pabaskugon pa ang internal and external security sang pungsod kag pagpabilin sang matawhay nga palibot para sa mga pumuluyo.
“We challenge you to lead and boost your institution’s engagement with our foreign counterparts… I urge the entirety of our army to enhance your interoperability and communications as well as to learn best practices through joint training and exercises which we intend to further expand,” pahayag ni Marcos.
Suno sa presidente, padayunon sang iya nga administrasyon ang suporta sa militar paagi sa modernisasyon.
Nakapungko anay si Galido bilang chief sang Western Mindanao Command kag commander sang 6th Infantry Division.
Gin-umpisahan sini ang subong 36-ka-tuig na nga karera sa militar bilang platoon leader sang 63rd Infantry Battalion kag sang ulihi nangin company commander sa 1st kag 2nd Infantry Divisions.
Nagpanguna man ini sa pag-atubang sa counterterrorism groups sa mga probinsya sang South Cotabato, Sultan Kudarat, kag Maguindanao.
Nagbulos si Galido kay Lieutenant General Romeo Brawner nga amo naman ang gin-appoint nga 60th chief-of-staff sang Armed Forces of the Philippines (AFP). #
