Gindepensahan sang Department of Health ang indi nila pag apruba sa inisyatibo lokal sang local government sang Marikina nga himuon nga operational ang ginpatukod nga COVID-19 laboratory testing facility.
Suno kay Department of Health Sec. Francisco Duque, apisar nga suportado nila ang ginpatigayon nga tikang sang talatapan ni Marikina Mayor Marcelino Teodoro, wala nakapasar ang nasambit nga pasilidad sa pila ka mga requirements kaangay nalang sang standards on space kag biosafety.
Una na nga nanawagan si Mayor Teodoro sa DOH nga aprubahan ang ila nga laboratoryo bangud indi lang pumuluyo sang Marikina ang mahimo makagamit sini.
Gin-athag man ni Duque nga padayon sa gihapon ang ginapatigayon nga field validation sa gindevelop nga test kits sang University of the Philipines- National Institute of Health.
