Iloilo City – Wala sang pinoy nga naulamid sa natabo nga massacre sa Star Ballroom dance studio sa Monterey Park sa California sa Amerika kadungan sang pagselebrar sang Lunar New Year.
Ang suspek amo si i Huu Can Tran, 72, nga isa ka Asian-American National.
Suno kay Bombo Charlie Badoles, International Correspondent sa California, 10 ang napatay on the spot, apang sa subong nagsaka na ini sa 11.
Ginapahayag nga nakapalagyo ang gunman matapos ang krimen kag nagsulod pa gid sa ikaduha nga dance hall bag-o na-dis-armahan.
Nasapwan naman ang gunman nga wala na sang kabuhi sa sulod sang van sa Torrance, masobra 30 milya nga kalayuon nagikan sa Monterey Park.
Narekober ang lawas sang shooter sa isa ka wite van nga iya ginmaneho sa Torrance, kaiping nga lugar sang Monterey Park.
Ginakabig sang Californian police nga worst mass murders ang natabo nga insidente.
