ILOILO CITY – Bukas ang talatapan ni Iloilo City Mayor Jerry Treñas nga makig-angot sa mga Local Government Unit may kaangtanan sa pagpauli sang mga nastranded sa nagkalain-lain nga bahin sang probinsya kag luyag makapauli sa syudad sang Iloilo.
Sa interview sang Bombo Radyo kay Mayor Treñas, iya ginpahayag nga indi niya pagpunggan ang mga local nga nastranded kun luyag nila nga magpauli sa syudad man ukon sa probinsya.
Suno kay Treñas, handa ang syudad nga magbaton sa ila apang kinahanglan nila nga magpaidalom sa COVID-19 test.
Apang mas makapaayo suno sa natungdan nga may yara sang LGU-LGU coordination gani ginapanugyanan niya ang mga nastranded nga pumuluyo nga makig-angot sa Local Government Unit sang lugar sa diin sila nastranded bangud sila ang makig-angot kag magapatigayon sa ila sa Iloilo City Government.
