ILOILO CITY- Ginkalipay ni Iloilo City Mayor Jerry Treñas nga nakompleto na ang Iloilo City Council kasunod sang pormal na nga pagsumpa ni newly- appointed Councilor Sumakwel Nava, Jr.
Ginbuslan niya ang manghod nga si Plaridel Nava nga nag-resign sang nagligad nga tuig.
Sa interview sang Bombo Radyo kay Mayor Treñas, iya ginpahayag nga sa pagpungko ni Nava, nagalaum siya nga mapadayon sang konseho ang pagsuporta sa mga polisa kag programa sang syudad.
Suno sa alkalde, wala man sang problema bisan pa nga oposisyon si Nava bangud kinahanglan ini sa idalom sang demokrasya.
Ginpasalig man sang alkalde nga willing gid ini nga makatrabaho ang bag-o nagpungko nga opisyal.
Sa bahin naman ni Iloilo City Vice Mayor Jeffrey Ganzon, iya ginpahayag nga indi man ini makibot kun pareho ang direksyon ni Kagawad Sumakwel Nava sa iya utod nga si Plaridel Nava bilang oposisyon bangud epektibo ini nga pamaagi agud mas mabusisi ang mga isyu.
