ILOILO CITY- May nakit-an nga improvement si Iloilo City Mayor Jerry Treñas sa performance sang Public Safety and Transportation Management Office.
Sa interview sang Bombo Radyo kay Iloilo City Mayor Jerry Treñas, iya ginpahayag nga magluwas sa mga mayor nga dalanon sa palibot sang syudad, padayon ang mga personnel sang opisina sa pagpangdakop kag pagpangsaway sa mga trucks kag iban nga salakyan ng naga-illegal park sa circumferential road.
Apang, namalibad naman ang alkalde nga magkomento kun satisfied gid man ini sa performance sang amo nga opisina nga ginapamunuan ni Mr. Jeck Conlu.
Wala naman sini ginadula ang posibilidad nga may matabo nga organizational changes sa nasambit nga talatapan kun kinahanglanon.
Sa pahayag naman ni Conlu nga ang illegal parking daw kaangay sang cancer, sabat ni Treñas, basi sa Public Safety and Transportation Management Office ang cancer.
