ILOILO CITY – Ginpasigurado ni League of Municipalities of the Philippines – Iloilo Chapter President kag San Enrique Mayor Trixie Fernandez nga mapanghatag na sa tanan nga mga benepesyaryo ang ayuda nga gikan sa social amelioration program sang Department of Social Welfare and Development.
Sa interview sang Bombo Radyo kay Mayor Trixie Fernandez, iya ginpahayag nga gilayon nila nga ginproseso ang mga dokumento nga ginapangayo sang Department of Social Welafe and Development agud mapadasig ang pagpanagtag sini sa mga benepesyaryo.
Suno sa alakalde, nabaton na nila ang pondo para sa nasambit nga programa kag sa subong ginahulat nalang nila nga matapos ang listahan sang mga benepesyaryo.
Naghingyo naman sang pagpanghangop sa mga pumuluyo ang alkalde bangud indi tanan ang makabaton sang nasambit nga ayuda bangud man sa limitado nga slots.
