ILOILO CITY- Nagwangal ang duha ka mga alkalde sa Bohol may kaangtanan sa ila suspensyon bangud sa ginaalegar nga involved sila sa gintukod nga kontrobersiyal nga resort sa sulod sang Chocolate Hills.
Matandaan nga nag-isyu ang Ombudsman sang anom ka bulan nga preventive suspension sa anom ka mga opisyal nga naangot sa pagpatindog sang Captain’s Peak Garden and Resort sa Sagbaya.
Nalakip diri sanday Carmen, Bohol Mayor Conchito Delos Reyes kag Batuan, Bohol Mayor Antonino Humawid.
Suno sa mga alkalde, ang pagpahanugot sa construction sang establishment ang indi na sakop sang ila kapasidad kag wala sila sang control sa issuance sang environmental compliance certificates (EECs), building construction, kag business operations sa lain nga munisipalidad.
Una na ginkakibot ni Delos Reyes ang iya suspension samtang sa bahin ni Humawid, nagpanawagan ini sa national government nga amyendaran ang layi kag tugutan ang construction sang comfort rooms kag mga baligyaan sa Batuan, nga ginakabig nga protected area.
Nahibaluan nga ang environmental compliance certificates ang gina- require para sa construction sang mga buildings sa isa ka munisipalidad.
