ILOILO CITY – Nagpaidalom na sa Reverse transcription polymerase chain reaction (RT-PCR) test ang mga empleyado, tumalambong kag police personnel bilang pagpanghanda sa pinakauna nga State of the Nation Address (SONA) ni President Ferdinand “Bongbong” Marcos Jr. bwas, Hulyo 25.
Ang health screening ang ginbutang na sa Batasang Pambansa Complex sa diin si Marcos ang maga-address sa joint session sang Congress.
Suno kay House Sergeant-at-Arms Rodelio Jocson, ang tanan ang nahatagan na sang instruction kun ano ang dapat nga himuon kag kun ano ang dal-on.
Nagpanawagan naman ini nga sundon ang health protocol.
Gin-athag man niya nga indi makasulod ang mga indi imbitado kag wala sa listahan.
Natigayon naman nga ma-inspect sang Malacañang officials kag Presidential Security Group ang venue.
Ang film director nga si Paul Soriano nga maga-direct sang SONA ang nakabisita na sa area.
Ang katapo sang Quezon City Police District nga iga-deploy sa SONA ang nagpaidalom na sa RT-PCR tests.
Sa tion nga may magpositibo, gilayon nga i-isolate lakip na ang ila mga close contact.
Ginpanginwala naman ni Jocson nga may yara sang security threats sa upcoming event.
Ang Batasang Pambansa Complex kun sa diin nahamtang ang House of Representatives ang ginpaidalom na sa lockdown bilang kabahin sang security measures.
Ang mhga otoridad naman ang maga-monitor sang event lakip na ang mga rally sang Marcos supporters sa IBP Road kag progressive groups sa Commonwealth Avenue.
Kadungan sang ginapatuman nga gun ban sa Metro Manila, may yara na sang tatlo ka mga nagkaladakpan.
