Gina-assess pa ang mga eskwelahan sa syudad sang Iloilo kun may pwede nga ma-rekomendar kag pwede nga makapasar para sa face-to-face classes subong nga nagnubo na ang alert level status.
Sa interview sang Bombo Radyo kay Iloilo City Schools Division Superintendent Dr. Luz Delos Reyes, iya ginpahayag nga magaagi pa ini sa division kag regional office antes ang approval.
Pilion ang mga eskwelahan sandig sa School Safety Assessment Tool sang Department of Education (DepEd) nga amo ang checklist nga kinahanglan nga makumpleto sang mga eskwelahan nga amo ang magatumod sang ila nga qualification sa amo nga implementations.
Kinahanglan man ang manubo nga numero sang COVID-19 cases kag required man ang pahanugot sang local government unit (LGU).
Sa probinsya sang Iloilo, anum ka mga eskwelahan ang nagbalik sa face-to-face classes halin sang Martes, Marso 1, matapos nga nag-alert level 2 naman ang probinsya.
