Sin-o sa inyo ang nakaagi nga nagtalal-as gid bangud ginlagas sang gansa?
Kasadya sini balik-balikan nga eksperyensya bangud daw indi mo gid abi mapunggan nga mahadlok kun makit-an mo sila nga nagatingob kag nagagahod nga daw kaangay nga indi gid nila ikaw gusto.
Sa Brazil, may isa ka lugar sa Santa Cantarina kun sa diin gin-level up pa gid ang mga papel sang gansa — sila ang ginhimo nga manugbantay sang presuhan agud nga indi makapalagyo ang mga preso!
Sa subong nga panahon, may yara na gid sang state of the art detection systems sa mga presuhan agud nga mabudlayan ang mga may tuyo nga mag-eskapo.
Magluwas diri, may yara man backup analog detection system pananglitan nga mapalpak ang una nga sistema — halimbawa, may yara gid sang naka-standby nga tawo ukon ido nga amo ang maga-guwardya.
Pila naman ka presuhan sa Santa Catarina sa Brazil ang naggamit sang mga gansa sa baylo nga ido bangud magluwas nga epektibo, mas makakinot pa gid sa gasto.
Ginpahayag nga maanting gid ang pamatin-an sang mga gansa rason nga madali sila nga makagahod kun may mabatian sila nga nagakulas-kulas kag maalerto nila gilayon ang guwardiya.
Ginpahayag man nga wala gid sang problema sa seguridad bangud ini nga mga guwardiya nga mga gansa ang nagapatroya sa tunga-tunga sang mataas nga pader sa sulod sang presuhan kag sa main outer wall sini.#
