Nagpaandam si Presidente Rodrigo Duterte batok sa nagapamintas kag nagadiskrimina sa mga healthcare workers sa tunga sang Coronavirus Disease 2019 pandemic.
Ini matapos nga nakabaton ang presidente sang sunod-sunod nga reklamo may kaangtanan sa pagpangbastos kag pagyaguta sa pila ka mga health workers.
May kaangtanan diri, ginmanduan na sang presidente ang mga kapulisan nga dakpon ang mga nagapangyaguta sa mga health workers.
Nagpasalig man si Presidente Duterte sa mga frontliners nga indi magkabalaka bangud suportado niya sila kag handa sya nga depensahan ilabi na ang mga healthcare workers sa pungsod nga nagapanguna sa away batok sa COVID-19.
Madumduman nga una na nga ginpakamalaot sang Department of Health ang harassment batok sa mga healthcare workers.
