Naka-umpisa na sa trabaho ang mga health workers nga ginpang-hire sang Iloilo Provincial Government agud nga i-deploy sa Western Visayas Medical Center (WVMC).
Ang ini nga health workers ang ginalakipan sang 38 ka mga nurses,18 ka mga nursing attendants, apat ka mga respiratory therapists kag apat man ka mga medical equipment technologists.
Sa interview sang Bombo Radyo kay Dr. Cynthia Cabangal Ng, Head sang Hospital Management Office, iya ginpahayag nga ang iban sa mga health workers ang naka-umpisa na sa trabaho apang ang iban ang padayon pa nga nagaproseso sang requirements kag nagapaidalom sa orientation.
Suno kay Ng, may yara pa sang duha ka kulang sa mga nurses kag tatlo ukon apat naman sa nursing attendants.
Samtang may yara naman sang ginhatag nga 40 tubtob 45 ka mga hospital beds ang provincial government sa WVMC halin sa nagkalain-lain nga mga district hospitals sa probinsya.
