JANIUAY, ILOILO – Duha ka semana nga indi makapanukot sang utang ang mga Indian national sa banwa sang Janiuay, Iloilo.
Ini ang gin-athag sang Janiuay Municipal Police Station nga santo sa Executive Order No. 48 nga ginpagwa ni Mayor Bienvinido Margarico may kaangtanan sa istrikto nga municipal quarantine umpisa Hunyo 4-18.
Una diri, may mga reklamo nga nabaton ang Bombo Radyo nga nagapahayag nga kuntani indi anay pagpahanugutan ang Indian Nationals sa pagpadulong sa banwa sang Janiuay bangud ‘posible may dala sila nga virus’ bangud sang ila lain-lain nga destinasyon.
Sa interview sang Bombo Radyo kay Pol. Maj. Eleazar Climacosa, hepe sang Janiuay Municipal Police Station, iya ginpahayag nga nadala ini nga mga foreign national sa mga collector kag non-residents nga temporaryo nga ginadumulian sa amo nga banwa.
Para naman sa mga foreign nationals nga maagi lang sa Janiuay kag madiretso sa iban nga mga lugar, kinahanglan lang nga ipakita ang travel pass agud nga mahibaluan sang mga tawo sa checkpoint kun diin halin kag kun diin padulong. #
