Naka-eksperyensya ang mga manugpangisda nga Pinoy sang panibag-o nga pagpang-harass sa kamot sang Chinese Coast Guard (CCG) sa West Philippine Sea.
Natabo ini sa Bajo de Masinloc kun sa diin ginmanduan sang CCG ang mga manugpangisda halin sa Zambales nga ipang-balik ang mga shells nga ila natipon halin sa dagat.
Antes ang pagkumpronta sa ila, nag-sakay ang lima ka mga Chinese personnel sa rubber boat sang ila Coast Guard kag sunod nga nag-atubang sa mga Pinoy. Apat sa sini nga mga personnel ang naglagas sa mga Pinoy samtang ginpunggan naman sang isa ka Chinese personnel ang sakayan sang mga Pinoy nga FB Legendary Jo agud nga indi makahalin.
Suno naman sa Philippine Coast Guard (PCG), nakahimo na sila sang lihok agud nga makuhaan sang sworn statements ang mga indibidwal nga naulamid sa amo nga sitwasyon.
“Currently, the PCG is awaiting the arrival of the fishing vessel this evening, which was subjected to the China Coast Guard’s harassment. We intend to gather testimonies from the fishermen as well,” suno kay PCG spokesperson for the West Philippine Sea Commodore Jay Tarriela.
Ginpasalig naman sini nga padayon ang ila nga talatapan kag ang Bureau of Fisheries and Aquatic Resources sa pagpatrolya sa gina-agawan nga teritoryo. Gamay lamang ang vessels sang Philippine Coast Guard gani nagsiling man ini nga indi 24/7 ang operasyon sa pagpatrolya sa bilog nga teritoryo.#
