ILOILO – Plano nga ipaidalom sang Iloilo City Government sa rehabilitasyon ang mga merkado sa syudad nga wala nadala sa Public Private Partnership.
Sa interview sang Bombo Radyo kay Mayor Jerry Treñas, iya ginpahayag nga isa sa ginatan-aw niya nga desinyo para sa rehabilitasyon sang Jaro big Market, Lapaz kag Mandurriao public Market amo ang may yara sang parking lot sa ibabaw kag balaligyaan sa idalom agud mas madamo nga manugbakal ang ma akomodar kag indi na mabudlayan nga mangita sang parking lot ang costumers.
Ginapatan-aw man niya kay City Treasure Jimm Hermano kun sadiin nga banko ang may pinakagamay nga interest nga mahimo hulaman sang city government agud gamiton sa nasambit nga proyekto
