ILOILO – Nakatalana na nga ma abot ang modernize nga mga bangka sang probinsya sang Guimaras sa Enero sa dasun nga tuig 2020.
Sa interview sang Bombo Radyo kay Guimaras Vice Governor John Eduard Gando, iya ginpahayag nga gina ekspektar kun tani nga maga umpisa ang modernization sang motor banca subong nga bulan apang bangud sa pila ka mga delay, nakatalana ini nga mag abot sa dasun nga tuig.
Suno kay Gando, duha ka mga modernize nga motor banca nga ginapaabot nila kag ini ang gilayon nga maga operate kag magabyahe Iloilo-Jordan Guimaras 24/7.
Dugang sang natungdan, ang kada motorbanca ang naga balor sa P5-6 milyon depende sa kapasidad nga nagadalagan sa 50-70.
Sa bahin naman sang Buena Vista, gina ekspektar nga maga abot ang ila nga mga modernize nga banca sa first quarter sang 2020.
Nagpasalig si Gando nga lauman nga sa 2020 mangin moderno na ang tanan nga sakayang pandagat nga nagabyahe sa Guimaras.
Samtang santo sa pahayag ni Gando, posible nga himuon nalang nga cargo ang mga daan nga pumpboat kag mangin kabahin na ini sang maragtas sang probinsya ukon mahimo man ini himuon water taxi nga magamit sang mga turista sa pag island hopping.
